رواية تانجل 2 تأليف إسلام شاهين .. ركنت العربية قُدّام المُستشفى، بصّيت في ساعتي، كانت داخلة على 9 ونص، نزلت واتحركت ناحية البوّابة، "مُستشفى الأمل للأمراض النفسية والعصبية"، بصّيت على اليافطة وأنا بفكّر، يوم جديد من الانغماس في مشاكل ومتاعب الآخرين، على أمل إنّي أهرب من مشاكلي شوية، في مقولة بتقول إن الطبيب النفسي أوقات بيحتاج للعلاج زيّه زيّ المريض بالظبط، ده أكتر وقت أنا مصدّق فيه المقولة دي، أنا فعلًا محتاج للعلاج، بس برغم كُل شهاداتي وخبرتي والمرضى اللي قدرت أعالجهم، إلا إنّي لحد اللحظة دي مقدرتش أعرف علاجي إيه... رواية تانجل 2 رواية اجتماعية عاطفية بتتكلم عن اختلاف الرؤى والمبادئ والقناعات والرغبات في العلاقات العاطفية والزوجية، وصراع القلب والعقل القائم بين أطرافها وأثره على العلاقات دي..