قد يكون عنوان أو اسم الكتاب ظالم لمحتواه، التجربة الفكرية لروح أمه هو كتاب عبارة عن مقالات في علم النفس ترجمها الكاتب (كيرلس بهجت) من مواقع علمية وأضاف عليها اسلوبه السهل والعامي في الكتابة، يعتبر من الكتب الجيدة لمدخل لعلوم النفس المبسطة والسطحية والشرح بأمثلة من الحياة،
ولا يعبر الكتاب عن دراسة أكاديمية لعلم النفس المفروض أكتب هنا كلمتين يخلوا الناس تشتري الكتاب، زي مثلاً: (للمثقفين فقط)، (للروشين بس)، (18+)... بس للأسف كل ده بقى قديم ومش بيأكل عيش، فخلينا في الجديد: اشتري الكتاب عشان مصر!!!.. مممممم.. للأسف بنسبة 99.9% مش ده برضه اللي هيخليك تشتريه.. مع إن ده بالظبط اللي يخليك تشتريه.. فالكتاب ده هيفهمك كل خطوة في حياتك ليه وازاي؟!.. هيشرح لك يعني إيه سلوك نفسي، بس بطريقة عامية سهلة.. هياخدك -لا مؤاخذة- في جولة من الأفكار والتحليلات، عشان يفسر لك ليه اللي حواليك كده!!! والأهم.. إن انت لما بتكون متضايق أو مخنوق، مش بتبقى over أو دلوعة أو حتى "روح أمك"!! لأ، بيبقى جواك أسئلة، وده حقك!.. فخلينا نبص للجانب المشرق، وهو إني بجو الشحاتة والسهوكة ده، أعتقد إني خلقتجواك فضول بنسبة 0.01% وصداع وحرقة دم بنسبة 99% تدفعك إنك تشتري الكتاب..